Restos de testículos de Neanderthal achados en Pedrafita do Cebreiro

-->

Ghalishial Xeoghrafi

Nº de Outubro/2.012

Espectacular nova a que chegou esta semana á nosa redacción. Un pastor acha o que poderían ser as primeiras probas apalpables de órganos sexuales dos nosos ancestros. Ata a zona desprazouse o noso becario, Xulián Testiña Barba, que recopilou toda a información en primicia para a nosa revista e que pasamos a detallar nesta reportaxe.

Os feitos aconteceron antes de que caera a tardiña, e dicir antes de que os lugareños despeñaran polo barranco á última muller en chegar, e no momento exacto no que o pastor, Xosé Inon Veño, gozaba duns intres de paz antes de retornar co seu rebaño para a casa tras un duro día de traballo no monte.

Segundo relata Xosé: "Non sei como puido pasar, non estaba facendo nada diferente ao habitual aínda que tampouco estaba facendo o de sempre. A constelación das Pleiades aínda non despuntara no firmamento celeste e notei que un par de ovellas comportábanse dun xeito estraño, experimentando pautas de comportamento non propias da súa especie aínda que tampouco desenrolaban os patróns propios dos felinos."

(*) Ata este punto o texto está transcrito polo noso becario porque Xosé mascaba tabaco á vez que mandaba un par de Ghuashas polo móbil e relataba o acontecido e non había quen se enterase de nada. Leamos agora o testimonio da nosa testemuña:

"Pois como che dicía rapaz, as chotas estaban como idem e non facían máis que xemer, lembrábanme á miña Conchi (en paz descanse) as noites que eu non chegaba de todo borracho á casa e a pillaba aínda desperta na cama e...de que estabamos a falar? ai si, as chotas. Pois estaban todas xuntas agochadas tralo outeiro onde botamos o lixo do taller de ferralla do Lino e pensei que algunha delas quedara atrapada no tambor dunha lavadora polos berros que estaban a dar. Tan pronto como fun capaz de subirme os pantalóns e deixar a revista que estaba a mirar, corrín coma un tolo para atoparme un espectáculo de pilicula!"

Avisamos que o que ven a continuación pode non ser axeitado para todo tipo de lectores..

"Tres das ovellas estaban tiradas panza arriba sobre a herba mentres masticaban algo grande e redondo. Parte daquela cousa saíalles pola comisura da boca, desfacéndose en pingueiras de líquido amarelo e pegañento. O resto do rebaño daba chimpos ao redor delas mentres loitaban por roubarlle aquela cousa da boca ás demais. Que quere que lle diga? Naquel momento pensei que as mordera un chupacabras e que estaban todas rabiosas con algo que lles pegara o bicho.”

Nese punto, segundo a versión do noso becario, o bo de Xosé baixou a cabeza nun xesto de tristura intensa e encolléndose sobre o peito, arrincou do seu interior un esgarro inmenso co que golpeou os restos da lavadora.

“Agora que che digo unha cousa, eh? A cara daquelas ovellas non era normal. Estaban todas como posesas!”

O noso compañeiro fíxonos chegar un documento gráfico no que se pode ver unha instantánea das ovellas que, dado o dramático e grotesco da escena, temos prohibido publicar polo Ministerio de Igualdade das Ovellas.

"Non sei como fun capaz de recuperar o control daquelas bestas. Recuei ata a árbore onde deixara a revista ponno e dándolle voltas como para machucar moscas, carguei contra o rebaño ouveando coma un lobo e batendo coas tías en pelotas contra toda ovella que me cruzaba polo camiño. Debín de montar moito follón porque non tardaron máis de dez minutos os do Seprona en aparecer e inmovilizarme a min e incautarme a revista das mozas."

Segundo puido confirmar o noso becario, membros do Seprona admitiron os feitos pero negaron terse apropiado de ningunha revista porno na que saíra Riahnna.

"Eu pensei que só viría o Lanrrover pero tamén chegaron unha morea de matraquillos e tractores. Alguén correu a voz de que había un rebaño de ovellas tolas e que non se podían deixar polo monte que matarían aos lobos salvaxes e asasinos que estaban en peligro de extensión ou algo así. Así que alí me ve a min, defendendo a miña revista ponno como podía e intentando que os meus viciños non mataran o rebaño.

A miña sorte foi que con todos eses aparvados viñeron tamén os da Garda Civil e aí traballa o fillo de Toñito que é moi científico e sempre lle gustou todo isto das prehistorias e os onis. Tan pronto o rapaz puxo o ollo naquela cousa grande e redonda dixo que de seguro era un collón dun home das cavernas e que como chegásemos a atopar o carallo que lle faltaba, faríamonos ricos e sairíamos na Te Uvre Ga. A todos nos encantou a idea de saír na tele e tampouco lle fixemos ascos á idea de ser ricos así que lle pegaron catro descargas eléctricas ás ovellas para calmalas e arrincáronlle aquela cousa dantre os dentes."

Para finalizar a entrevista, o noso becario preguntoulle a Xosé se pensaba que aquelo podería ser só parte dun testículo ou un escroto ao que o pastor respondeulle que “aquelo non estaba roto, só un pouco mordido” e que non entendía a orde da Garda Civil de manter pechadas no cuartelillo ás ovellas mentres estas non deixaran de cuspir espumaraxos verdes pola boca.

Todo isto é o que podemos ofrecerlles ata este momento. Manteremos a comunicación aberta con Xulián e faremos chegar calquera nova de interese que poida ter relación co descubrimento dos testículos prehistóricos.

Non se perdan o próximo número de Ghalishial Xeoghrafi onde o aventureiro David Aquenpotough arriscará a súa vida na visita a unha granxa de galiñas ananas.